大姐姐問大哥哥到底服唔服佢老細, 大哥哥回了其實佢都服佢老細既能力與成就, 之但係當然有好多其他方面同行為, 會作深切既保留…(大概意思吧!)
都好! 起碼都算有D Buy丫~~~
如果你完全一D都唔Buy你老細, 唔好話對佢, 對你自己黎講, 都算濕濟!
Buy! 呢樣野好真! 你要buy, 先有可能做野做得好:
你唔buy你要sell既產品, 點賣到呀?
你唔buy你坐緊既post, 點一日坐十個鐘(或以上)呀?
你唔buy你公司既形象, 點會想返工呀?
你唔buy你老細, 點會有心機幫佢做野, 走走笛笛呀?
你唔buy你老細, 咁點會幫到佢呀?
……搞搞下, 搞到自己都唔buy自己, 咁點做人呀又?
小9點先會buy老細呢? 曾經有老細對小9都幾好, 仲可以話大家係做到永遠既朋友個隻, 但小9唔buy佢既做事方法, 唔buy就係唔buy, 同佢點對我係兩回事…
又有個老細, 惡魔一名, 小9都算係幾唔喜歡佢既為人, 但係講到做野、做生意、搞形象、搞關係, 係幾成功, 幾掂! 小9跟佢一排, 已經獲益良多, 係呢方面, 都好Buy佢!
老細, 作為公司既靈魂, 領著公司這一條船乘風破浪…作為船既一份子, 打工仔付上寶貴既青春及無盡既努/勞力。
老細把這艘船開成點, 和開往哪裡?
IF…
嘩! 個船長黐9左線開緊條船向個冰山撞緊過去呀! (咁大家都知要馬上跳船!)
嘩! 條PK開船開得又慢又“笠“, 話要安全喎! (咁夠唔夠糧水燃油, 開到上岸架? 捱到幾耐先?)
不過現實冇咁清楚分明既, 通常都會好似鐵達尼咁, 未見到個冰山, 邊個會咁叻一早落船先? 通常就快撞先知要跳…
所以, 如果你已經唔Buy個船長既能力, 咁你咁夠膽坐落去?
唔上船都唔會知個船長係咩料, 條船有幾實淨, 到底開緊去邊……不過, 要落船, 其實都係好簡單, 又唔駛跳落個冰海到!
…睇黎, 都要揀番個適當既海域, 跳落去再游一游, 睇下有咩船(船長)經過先…
******
大兄, 借用了你的對話, 有感而發, 回敬廈門一行唯一的收穫…(希望你唔係又下午四點幾睇見, 否則又罪過罪過…)