做打工仔既, 都很想找個公平、公道、明理、懂管理、體恤下屬、要唔小氣、唔孤寒, 又要有人情味, 兼唔準樣衰口臭咸濕禿頭大肚腩兼核突既老細, 唔好話搵伯樂、拋頭洒血咁凝重…
但我們諗下, 其實咁既一種生物是否存在? (或者咁講, 有都係異形係架, 咁易有咩?)
小9″跟"過幾個老細, 日常亦接觸不少商場上的"大"老板, 發覺他們的共通點是: 佢地為乜做生意呀? 係因為要賺錢呀! 管理只係為左賺錢而冇辦法必需要去command既技巧, 佢地唔係為左享受"管理之樂"而去做生意呀! (所以有專業經理人黎幫老細去做管理, 然而專業經理人是另一種人, 在此不談。)
當然, 世界上亦有不少像渣Sir這般會為一個員工之離去而啜泣的老板,亦有不少像CK般不停鑽研自己管理手法的老細, 小9有多位朋友, 都係為左兄弟姊妹有一個安身納命之所而出錢渣旗! 但始終, 這一類既老細, 佔少數。
所以, 打工仔一味期求老細怎樣怎樣, 繼而抱怨, 是不是有點不切實際呢? 我想, 當然打工仔可以有期望, 但請不要把這些視為老細應有的元素, 當你老細令你失望時, 請不要太過意外。
爆粗可以, 過火傷身。
On Dog 一名 