夜深, 手中一杯琥珀, 記下呼應6個月前的感覺…
6個月前, 懷著打瀉花鵰既心情, 開左罐San Miguel, 去面對半年長的Probation Period, 正所謂「寒冬入, 盛夏果」…
去到今天, 6個月了! 漫長既6個月, 以前既小9應該會覺得難捱, 但今次匆匆過去, 因小9早己不太在乎…
初時, 真的有點不安, 因之前曾試過6個月Probate, 頂到4個月就比人"丁"走; 故又來玩6個月? 唔係馬? 誰知, 有時你唔試, 或又唔走多步, 咁你就始終唔會知道會係點!
本來第一日就想quit架啦(第一天上班理論1.0), 誰知一念之間, 過一過海, 睇到同感受到既會好唔同(即理論2.0), 就咁就留低左… 亦估唔到, 留低會咁好玩!
其實很早己相信自己唔會過唔到呢個Probate, 反而係一早諗, 如果老細係Probate完結前炒小9, 可能…對大家都好D! 畢竟個關係去到呢個level(除卻人工), 究竟小9係幫緊老細做野, 定係幫佢開緊一個墳呢? 又或者, 係佢拉緊小9去一個深淵到呢? (小9係咁膠架啦! 成日以為身負重任, 乜都放在肩背上, 唉!)
6個月前, 小9自以為自己有點了不起, 去到現在, 自己變得humble左, 變得盡量"Think Big, but being small." 相信上天的安排是把小9這杯極速沸騰的咖啡, 冷卻下來變得容易入口…唔, 有意思!
這6個月, 很特別! 如果你做一個post, 一入去你先知根本唔係做原來state比你知既duties, 而且係一D你從未做過既野, 你喜歡嗎? 其實公司好, 自己好, 都算好彩match到, 老板需要一個好flexible既軟膠人(小9雖硬膠, 但表面通常都裝得軟軟的去呃飯食, hehe!), 自己又好鍾意做D從來未做過既野, 唔鍾意坐定定做routine野… 如果唔係咁, 都閃左好耐!
不過, 掂都好, 搵食姐, 犯法呀?! 小心小心!
(講下講下, 杯琥珀都飲完好耐勒, 哥仔! 唔該黎支"Send me a girl"!)