好敏銳的觀察力!
令老師抓狂的消去法!
算式原來是這樣展開的??
無言…
原來變數是可以這樣消去的啊!
(Extracted)
Archive for 四月, 2009
一百公里
Posted in Run! Dog! Run! on 四月 20, 2009 | 9 意見»
一百公里，有幾遠？
之前唔係好清楚，只知開車以100Km/hr，走100Km，一個鐘。
機場跑道，原來只有大概4K左右。
開Google Map拉條線，原來，由尖咀鐘樓出發，走一條直線，100K，原來，差不多到達東莞既市中心。
上星期四發覺，不知不覺間，就快跑到去東莞了。
******
其實咁樣講，真係唔知醜，笑死大家。100K之麻！亞大佬每次練習閒閒地都15K，兩個星期都已經有100K啦！一個月就over 200K，三個月就可以跑爛對Mizuno。
細佬，就足足係２個月既時間裡面，才累積夠100K既跑程。
希望大家唔好見笑！小弟會努力的了！
******
其實係２月中開始，一星期大概跑５至６天，早上跑完先返工，休息日不能連續兩天，開始時每天至少跑2K，一星期累計不可少於10K。
開始時沒有累計跑程這概念，只知每天都要堅持，跑，跑！
２月份時已經想寫一寫，但沒有。
因為 …
自己知，自己雖然多痛恨半途而廢，但又一直多習慣半途而廢。
多生怕這次又一樣，而且是早起超過一個鐘頭，對以前既自己來講，是多高難度動作。而我不是要偶爾做一做這高難度動作，而是把它作為生活中的一個習慣。係，是習慣。
所以，一直都放著，就看看這次自己又如何表現。
上星期作記錄時刻意算一算，咦！92K。
Ok了！我知道，到了100K既時候，可以寫一寫了。
******
對自己達到了一些從未達到過既事情，總會有點在意吧！
So far 自己跑左５年渣馬，共73K, 有可能加上練習，都未夠100K。
是一些改變，是時候改變。
星期天，餘下６Ｋ，就夠一百公里。
或者，就用不一樣的，來達到這100K。就跑6K吧！
（之前最多只曾做過5.2K既練習，你睇！幾咁差！）
結果，係風雨加陽光中完成了這６Ｋ，更添一點深刻。
Run! Forrest! Run!
何妨吟笑且徐跑?
Posted in Run! Dog! Run! on 四月 19, 2009 | 6 意見»
090419 跑步筆記：
早上起來，是已訂下今日要作6K距離的練習。
說起來有點汗顏，跑了5次渣馬，從未有試過好好認真練習過，就連一次作跑達6K既練習，都未曾作過。（為何今日這麼有決心訂這跑距？是對自己有一點意義的，下篇再說。）
平日若果下雨，就會取消練習。但若出門前沒有雨，跑步中下雨是會置諸度外，所以跑到底褲都濕哂也不是新鮮的事情。
今早一起身，是下雨天。心想：等多一陣，冇落雨先出跑啦！
等等下，一個鐘，又一個鐘，雨，還是斷斷續續，有時更是橫風橫雨。
到了沒雨之時，卻又放晴起來。心裡卻不是味意，若有所失般。
當下馬上更衣落樓，一出門，橫風橫雨。正！
這就是我所需要的！
逆境波？Always~! Why not?
天氣這麼熱，濕哂都唔會病既！係運動場跑，個地又唔會滑既！點解落雨唔跑得呀？
原來，都係心既問題。
******
去到運動場，雨己經停了，衣褲都未算係太濕。只見有一位大叔，早已在飛馳中。
一個略大既標準運動場，只給２個人（包括自己）喪跑是何其奢侈？爽！
拉好筋，上到起點處，好！６Ｋ！一按時計，雨就馬上再下起來。
太好了！That’s what I really want!
******
毛毛雨下跑了２Ｋ，心想好似冇咩特別之際，大風一吹，大風雨同來，正好有點2004年膽粗粗一跑就跑半馬既一年，係８度之下橫風橫雨既感覺。（當然比不上當年既寒同冷。）
心裡笑道：風雨無阻。
當下雨就停下，太陽就突然出來！大獲！這個情況下，陽光打落濕地，水氣蒸上面來是最難受。想必是知道我唔怕雨水，但是仍很怕熱的作弄吧？當然，我知道這不是作弄，It’s the next test. Always~!
******
到了５Ｋ！
之前都曾有練習這個距離，腳是開始比較沒有勁了，但沒想到，心，自己居然係潛意識下叫雙腳放慢收工，真是豈有此理！
傻佬係咁既天氣白老鼠般喪跑？白痴？
喜歡踢波既朋友，打雨戰應該是家常便飯吧？
喪跑也是一樣，why not?
******
到了最後２個圈，心情已經好到不得了！下雨又如何？出太陽又如何？
天陰正好！就讓我的橙色跑衣照亮天空吧！（大言不慚！）
睇到呢到，想必閣下都已決定以後唔再睇小弟個仆廢up了吧！
安永(Ernst & Young)倡放40日假兩折支薪
Posted in 一念地獄, 一念天堂, tagged Big 4, Big Four, Ernst & Young, EY, 安永, 審計, 會計 on 四月 18, 2009 | 2 意見»
安永倡放40日假兩折支薪
2009-04-16
港澳內地8500員工受影響
【明報專訊】近期股市樓市出現小陽春，市場氣氛重現曙光之際，會計行業仍然乍暖還寒。四大會計師行之一的安永（Ernst & Young），繼去年底要求員工放1個月無薪假期後，昨日再向員工發出電郵，要求香港、內地、澳門合共8500名員工，在今年中至明年中放40日「二折薪酬」假期，其間可支取20％薪金。
此項新的休假政策在安永內部已盛傳多時。雖然公司指該計劃屬自願性質，僅「鼓勵」員工放假，但員工普遍表示，屬強硬執行的政策，部分更感到十分沮喪。去年12月，安永已「鼓勵」員工放1個月無薪假，「雖說『自願』，但最少也要放20日，今次則最少要放40日，若工作量少的，要放更多。」一名安永在本港的員工說。而資歷較淺、須於明年考試的員工，便要放假80至90日，變相減薪20％。
初級員工變相減薪兩成
昨日是由安永會計師事務所遠東區域聯席管理合伙人孫德基及賀悉治（Jim Hassett），透過電郵向員工宣布此計劃。在電郵中，兩人表示在可見的將來，市况難以迅速扭轉，甚至影響實體經濟。更重要的是，由於經濟下滑，相信「跳槽」的員工大幅減少，「留在公司的員工較我們預測的多。現時員工數目較一年前多出13％」。昨日記者致電孫德基查詢，未獲對方接聽。
該所昨日對外發出聲明，基於須削減成本，而公司不欲裁員，因而提出三大員工計劃，影響中、港、澳8500名員工（見表）。（一）「靈活休假」，「鼓勵」員工在今年7月至明年6月期間放假40日，並支取其月薪的20％。員工可選擇一次過或分散休假，而薪酬削減的影響，將於2010年全年平均分佈。（二）若員工未通過中國註冊會計師（CICPA）或香港會計師公會（HKICPA）的考試，明年考試前夕則須放20天「二折薪酬」假期，以往員工可享4至5日有薪的進修假期（Study Leave）則被取代。（三）則是增加部分員工的獎金，可謂在連環減薪後，回饋員工的少許「甜頭」。
前員工狠批：近「貼錢上班」
有前員工氣憤的指出，休假減薪本來也可接受，但部分人的工作量與去年一樣多，放無薪假間仍然要上班，「變相倒貼車費返工」！
（明報記者羅羽庭、王融融報道）
作為一條柒字頭出世既茂李，總算是完成了大學，有份正經（！）既工，總算勉勉強強做到一個靠用功讀書而＂暫時＂仲養掂自己同屋企既＂人＂。回想起細個時，係幾時開始知道讀書既重要而努力？
係小學四年班時，狗仔爸爸失業，屋企頓失收入來源，有冇飯開既危機。小狗那時好似突然感受到，生活，原來係如何既一回事。那時只知道，自己咩都做唔到，除了盼望之外，就係搏命讀好Ｄ書。就係咁，一路咁努力讀讀讀，讀到個人傻頭傻腦咁，好彩都勉強入到大學，畢到業，幸運地都搵到工，算係搵到半餐晏仔。
所以睇番轉頭，如果老豆個一年冇失業，咁，小狗究竟會唔會曉得要努力讀書？
當然，呢Ｄ只係廢up，冇答案既。就好似一切外在環境係點都好，都係要睇個人自己本身既造化，家境唔好個細佬可能會好早就好生性，亦可能會好有問題，會更容易誤入歧途都唔定。
細佬仔既生活，已經不容易。
細佬仔好似都好喜歡比較，大人們好似都以為自己不會比細佬更計較。
*********
鏗鏘集 090413:
物 輕 情 義 重
在 金 融 海 嘯 下 ， 基 層 市 民 生 活 捉 襟 見 肘 。 曾 經 歷 兩 次 「 殺 校 危 機 」 的 鮮 魚 行 學 校 ， 採 用 了 最 實 際 亦 最 能 鼓 勵 學 生 的 [...]
