What a day of 19 Feb 2009?
What a coincidence?
http://mytv.tvb.com/lifestyle/onefromtheheart/14317
Archive for 二月, 2009
霎時感動?
Posted in On Dog 推介, 一念地獄, 一念天堂 on 二月 20, 2009 | Leave a Comment »
2009渣馬以為已曲終人散，卻有＂一號兩人跑＂之餘音。
從報章資料所見，感覺上是教練愛徒心切（還是為成果心切？）而衝動下搞出黎既大頭佛。
不知何時香港社會已經成為如此的一塊道德之超高地，大孖沙日日係佢地玩弄於股掌既自由市場搶奪無間，甚至於監管機構也只是其＂人頭＂，搞到立法者空有滿腔熱血而落得只好＂啤＂一聲既無奈結果。大雞冇辦法（有法但都唔會敢）去捉，自然就只好捉捉雞仔沙虫。雞仔沙虫只要有所一丁點不誠實，一點不合規矩的行為，當立時成為人所皆剮之對象，千日苦練就可能胡裡胡塗一＂布＂喪！反之明刀明槍擺明老笠既，當然就可以我行我素話之你班笨羊啤啤貢我係擺明種票你拉到我咩。
一丁點都冇為佢地３人抱不平既意思，渣馬既裁決是否合理我亦懶理。
陪跑亦本無不妥。
從對結果影響而論，劉先生特意掛少一塊布負磅輕左而可以跑快幾步吧？還是他真箇是＂被教練老笠左塊布，冇計！＂的受害者？
得到教練陪跑的吳小姐，其成績就理當會有所不一樣吧？不然其教練都用不著玩＂一布兩跑＂了吧？可是見其體力不支，要人扶過終點既相片，現在都好似變得尤其令人＂un＂眼，大家或多會感性的脫口道：咩就係妳呀？
莫說教練陪跑是否違規，就算違規你係要做，都唔係咁易捉你出黎。你要陪跑好容易，比兩舊幾水就可以有塊布仲有件New Balance送你唔係唔知呀？（可能你係專業既運動精英，我地Ｄ蛋散Sunday Runner既野可能你不屑涉及。）咁你就正正經經預早申請準備好處理這可能出現既陪跑需要啦專業教練！係到講咩係外國陪跑係一件好常見既情況，就好似問做咩係回教國家可以合法咁娶多個老婆但做咩你香港唔得咁無知？
冇布就唔跑得，呢個係規舉，我地Ｄ蛋散Sunday Runner個個都知，係common sense。我地都可能會搏大霧試下跑唔跑到，為的多不是慳個兩三舊水，多是帶埋小朋友試下跑，或者係臨時忍唔住想試下同朋友一起跑一下。當然係起點過唔到骨比人周到，咪算啦！斷不需要把自己違規既行為合理化，當其他人傻仔。
小弟絕對係一個容易半途而廢既蛋散，小時的一切嗜好及興趣，多已都丟下良久，只是近年來勉強支撐跑跑10K半馬，準備馬夫，成績不知所謂。作為咁樣既一個causal runner睇呢件事，只覺得當一個項目的結果重要性睇得太重太重要，往往就忘了事項之本質與原意。今年有準備，結果只能快上年3分鐘，都好啦！下年再努力。今年懶洋洋，結果不能在指定時間內完成，咁抵死啦！下年咪再黎過。
跑完之後身水身汗，坐係硬地埸上食住蕉，睇住源源不絕的陌生朋友們衝過終點，此刻天空才開始光亮起來，展現出橙紅的雲彩。
跑渣馬，就係咁之麻！
點解causal runner可以咁輕鬆去enjoy個比賽？點解又有人會因為個結果兩個字而玩＂影分身＂？
2010 Half, deal?
《救人七命》，台譯《七生有幸》。當然，本地文采，如何可以和台灣相比。
星期日已看了Seven Pounds，欲寫又止。最後今早，心境不安，竟另有所想，試寫寫看。
得嘵本片及劇情之後一日，就是1月23日，落馬州發生了奪去6命的車禍，大概因為一位醉酒司機。
本片的司機，並沒醉酒，卻因為忙著check Blackberry，奪去7條人命，包括自己的愛妻。
劇情不在此述了。重點是，人，不免會犯錯，你我皆會。犯錯之後， 如何面對，如何補救，卻是一大上天給我們的試煉。
是基因還是原罪作怪，人的自然條件反應，是把自我行為合理化，先來把自己原諒，說服自己一切都是理所當然的，問題不在自己身上，彷彿自己是無辜的，是受害者。然後就盡量想辦法為自已over錯誤，不惜一錯再錯。
欺人不好，自欺更是白痴。
能有平靜的心胸，坦然面對自己已犯下的錯誤，接受應有的結果（懲罰，如有之），就是為又一考驗之pass.
若如片中之犯錯罪孽，那會要如何才能補償以至解脫?
願君心安理得，得到平安。
祝各位生日快樂!
