The freer he gets, the happier he gets. But it is about for him to learn that the ultimate freedom comes at the ultimate price.
Let go, and you get happiness.
補：
恆指上落，匯控過山車，我遲Ｄ做低你 …
無損世界的本質，日，照常出，照常落。
風，照樣會微吹；水，仍然是解渴。
日日營營役役，趕著漁塘撈底，焦急不安。
人去走他媽的人生，還是人生去走他媽的人？
就這樣，放下母親去已，你話，錢能載舟 …
放下你以為要去追逐的美麗東西，發現其實所有東西皆美，美得受不了，然後let go…
就如水般流走，就明白到每一個時刻，都可心存感激。
。
別找緊不放。
近日北上，再去拜會胡總。
有人問道，胡總打算把孩子，放到那裡去受教育。
坦白講，胡總這種角色，只要佢想，世界那處，他都能把孩子送過去。
胡總還是意在家國。
香港人自然發條反射般說：送去香港啦！邊個邊個上市公司主席都將佢兩個一早送黎香港讀 …
香港人話口未完，胡總拍案叫道：媽的我送東送西好，就一定唔會送去香港！照我多年觀察看，香港這個模式的教育環境，不知所謂，教出來既一代，真係好凶險！（聽到這裡，未知佢講緊咩，咩凶險呀？）
胡總大口一啖阿里山高山茶，咪著小眼再說：
媽的香港這個環境不左不右，不東不西，一係你就極左，一係你就極右，一係你就西方，一係你就按國家，媽的你這個無國家無民族意識的這個一教出來，毫無道德意識價值觀念既一代，江湖凶險呀～！弄一個有權有錢既一把錢掉出來，要你幹一點＂小事情＂，試問有幾多個孩子能夠say no？
西方？西方好舒服呀！孩子有咩未曾有過？弄不著亂搞呀！
＊＊＊＊＊＊
當日這Topic 到此為止。小９笨拙，當然唔瞭解國內既教育情況及成果；對西方的，亦無力comment，只知Wall Street有幾多精英professionals係到為呢個世界經濟貢獻緊。
但好體會到，自己係香港所受既教育，對於構成自己既道德價值觀，係有幾大既幫助。
係冇既。
出黎搵食，唔清楚，唔知道，或者，從未揾過自己既價值觀定位既，仲要係呢個地方 …
的確：
好凶險！
早知今日，仲有幾個銀行經理，會向公公婆婆sell迷債？
當日想必理直氣壯：搵食姐，犯法呀？
話你知你一定冇犯法！咁，你就做呀？
＊＊＊＊＊＊
害怕悲劇重演 我的命中命中
越美麗的東西我越不可碰 …
Posted in 一啖砂糖 on 十月 17, 2008 | 1 Comment »
上左大陸出差幾日，晚上通常都係留係酒店房間中，做一樣平日唔會做既活動…
就係連續睇幾個鐘電視！
中央台正播少林足球中，五師弟陳國坤先生主演的李小龍傳奇。
其中有一幕，講到李小龍闖入了學校由外國學生主宰的拳擊部，一下子在不能使用詠春拳之情況下，亦能擊倒所有成員，獲得進入拳擊部，並可參與選拔賽，以爭取唯一的出賽資格，挑戰全港冠軍之寶座。
選拔賽之對手，是一位精於拳擊的英國仔，本是校內之名星，受同學之祟拜。在備戰之練習中，有以下對話：
教練：你一定要幫我打敗李小龍！西方引以為榮既拳擊，怎可以由一個中國人用以打敗我們西方人？
英國仔：但… 但我每次面對李小龍，我就覺得好難搞！我就覺得佢是一個爛仔，覺得很別扭！佢既打法很怪，很別扭！佢和其他對手不一樣，佢都不按常理出章的，佢使的都不是正常打法 … …
教練：Come on! Man! 拜託你了！你都唔係第一日打拳，從來唔會有一個對手上擂台，是為了來給你行方便的！
英國仔：… …
教練講得好，＂從來唔會有一個對手上擂台，是為了來給你行方便的！＂
各位，努力！
又一年，又一劑，一年一鑊，年復一年。
大家睇住一大班人，一朝早騰起身，凍冰冰，又要比錢，平日又唔多運動，跑到氣羅氣喘，搞咩呢？為咩呢？
其他朋友為左咩，小９唔知。小９為左咩？原來，每年都有Ｄ唔同：
2004:
當時經歷緊失業訓練，個人頹到不得了，開始有D精神病。結果膽粗粗一黎就試下跑半馬，結果得左！成個人醒哂！唔再頹廢，仲好快揾到份好工添！
2005:
為了當時健康日漸有轉變的父親而跑，繼續半馬。
2006:
當年懶老定，結果12月頭就已經full左，後悔到不得了！之後每年都係做early bird。
（朋友，要跑唔好諗，拿拿聲呢個weekend報名啦！唔洗睇埋個friend跑唔跑先決定，呢件係你個人既挑戰，孤身上路最有型！）
2007:
量力而為，跑10K好了！蹈火之後既心情， 以及當前既搞笑工作，當靠此來作一舒發。
2008:
同On Pig第一次跑10K! 勁！
（呢位係唔係喬寶寶？如果你當日現場見到佢咁樣，唔知你仲跑唔跑得郁？）
2009: (報名Link）
仲未跑，未係好知住，但相信，這個一定是重要原因之一。
＊＊＊＊＊
一眾馬拉友好：
肥龍兄
Bacakara
Samsara
Athrunz
