係！我係！我係一對臭腳！仲係一對虛榮既臭腳！（事關我主人日日都喃嚤：Vanity is definitely my favor sin…）
以前我鍾意著涼鞋，家陣鍾意著硬膠鞋，一定要係正牌Crocs！二三百蚊一對既Crocs！
出到街，一見人著以疑似膠鞋，我隻眼就條件反射般，睇下個的位係空白既，定係有隻鱷魚仔既，見到空白既，心中就＂挑＂一聲：老番膠！
我老細（主人）就係咁架啦！你話我點可以唔＂虛＂呢？
好似有一個禮拜日，老細拉左皇阿媽出街，特登帶佢去到Crocs既專賣counter，要皇阿媽點都揀播一對正牌既膠鞋著下播。
（平時老細話要買咩比皇阿媽，皇阿媽一定耍手擰頭話貴話唔要，平時老細話要同皇阿媽去食這個餐那個菜，皇阿媽都一定耍手擰頭話貴話要食麥當奴可以了。）
雖然皇阿媽一定知道市面上有$30~40一對既老番膠鞋，而且質素唔係話真係有好大既分別，（呢點我老細當然一Ｄ都唔認同啦！）但個日皇阿媽非常＂合作＂，笑住好積極咁左揀右揀。個日個counter氣氛好好，事關有好多好似我老細咁既後生仔女，都帶埋父母去買正牌膠比佢地in下！
最後，皇阿媽揀左對Disney Minnie Jane。我見到我老細好開心。知道之後皇阿媽日日著住對膠鞋，我老細仲更加開心。
其實，我老細都唔算係衰人一個，只係平時On-9 D，有時賤狗Ｄ姐～
雖然佢一Ｄ都算唔上孝順，但佢都真係會因為屋企人開心而更加開心。所以佢成日都propose帶皇阿媽去呢到食飯，去個到行下，知道皇阿媽仲意著膠鞋，已經嚷著要買第二對正版比皇阿媽。
但如果，假若皇阿媽唔係順意地接受買正版膠鞋，而係硬要只接受一對老番膠，你估我老細會唔會同樣係咁開心呢？
你快樂時我快樂，咁其實係你快樂，定係我快樂？
其實係我要快樂時，所以你要快樂而令我也可快樂？
其實正版膠鞋係我鍾意定係你鍾意？定係我鍾意要你鍾意?
咁… 你係咪真係快樂？
又咁… 我係咪真係想令你快樂？
＊＊＊＊＊＊
在現今社會，物質比較充裕，年青一代可能變比較富有的時候，消費習慣當然和我們的上一輩有非常大既差別，追求的當然也可以非常不一樣。習慣辛苦耐勞，節衣宿食，應洗先洗，去養大我地呢Ｄ化骨龍既父母，去到今天，莫非要狠狠改變他們奉行了一半生人的價值觀，而去遷就他們事業有成，賺到個錢既子女，讓他們能夠所謂可以盡孝？
一個避免跟仔女去浪費金錢享受一頓無謂既豪華大餐的母親，竟要被扣上＂老頑固＂，＂不識享受＂，＂不識時務＂既帽子？
一雙被＂訓練＂到出外用餐能不再多過問價錢既父母，子女視之為＂乖巧聽話＂？
可能我都係天真且傻，以為在今天，有學識既年輕父母，都能以身作則，教導子女不要太過重視及追求物質。反之，在我們所謂回報親恩既時候，卻要遊說父母去多接受物質享受？
另一方面，希望盡力比最好既物質滿足給予父母，點都唔算係做錯吧？
＊＊＊＊＊＊
老細，其實你知唔知明唔明，你能＂心有在焉＂咁同皇阿媽傾一次電話，皇阿媽會開心過你洗幾千幾百係佢身上？
（咦！我只不過係一雙臭腳而已，點解今日會諗咁多野既？我對新款Crocs呢？）
Archive for 八月, 2008
男人老狗，過左三張，又做會計（或打雜），鍾意影相玩單反，得閒打下機，一套戲重複睇廿次睇完又睇，仲要死記住Ｄ無聊對白懶係野咁…
咁既死電車… 睇怕都要一於…
多Ｄ明瞭一下自己既會計佬心態。
平時懶係型咁這個那個懶清高，又話錢財身外物，雞水咁丁屎人工學人話自己overpaid，咩係你就係你唔係你比左你都唔係你你要你死你妳袮 …
兩件事，嚇親自己。
＊＊＊＊＊＊
Material 1:
有日公司清左場，但小９要留係度entertain老板娘，同佢老公。老板娘通常見到小９既話，都會唔理佢老公喜歡不喜歡（佢老公當然係唔鍾意啦！），拉小９入房懶細聲密談一番（雖然佢老公會係門口左右徘徊，仲黑哂口面）。此maybe為小９既job duty 之一：Entertainment。
當晚在毫無任何意圖之下，唔知點解，爹下爹下，話題去左＂消費與物質＂之上。小９留係度，一向都只係想向老板埋手，毒下佢之餘又導下佢，從來未曾有一絲向佢老婆埋手既念頭。
歪念一生，立刻向老板娘出招：「當下無線有個節目叫＂向世界出發＂，剛講述余慕蓮小姐捐錢起學校既義舉，唔知妳 …」
估不到原本老板娘都有追呢個節目，當下佢並沒有發表什麼comment，但佢眉宇間即場閃過一絲悽忍，笑笑口向小９講個故事：
「以前有個CFO，同你老板講，唔明白我貴為上市公司主席夫人，自己出入公司屋企既時候，居然係搭巴士。呢個CFO都SHORT既，我做咩唔搭得巴士？有錢就唔可以搭巴士既咩？，下下要靚車的士出入，慣左，咁到冇錢既時候點算？跟住我就叫你老板即刻炒左佢。」（緊係啦！會計佬點可以唔炒左佢。）
可能大家唔會linkup 到點解老板娘既反應係講Ｄ咁既野，唔緊要。但佢咁講，比左一Ｄ衝擊小９，腦海中馬上浮現一年前的一個酷熱既早晨，小９一早趕到去黃巴士站等老板出現。當天老板出奇地準時，佢放低左佢粒波子之後，就從容地同小９講：「我架中港牌跪低左，今日我地坐公車去東莞啦！」
小９立即心中一沉，不快之色不禁形於面上。坐完黃巴，兩條友一齐搵去東莞既公車。小９忍唔住，本想出聲遊說佢不如打的啦都唔係好貴，但佢突然一個虎步就跳左上一輛往東莞既公車上，小９唯有不情願地跟隨。老板一上車，就大字形呼呼入睡（之後佢仲同我講佢呢程車佢訓得好好！），小９呢，全程車就正襟危坐，彷似全車都係老鼠曱由般。
嗚呼～！小９到底搞咩呢？
(下回續）
可以點講？可惜？
幾十年既時間，心力，經驗，機會，一手建立的一個製造企業王國… 去到今日…
唔通可以話係交錯朋友識錯人，搞到行差左？
******
928 近期事件簿：
1/08/2007: KPMG expressed qualified opinion.
29/08/2007: KPMG resigned as auditor.
25/09/2007: Company secretary resigned.
02/07/2008: 1 another company secretary resigned.
15/07/2008: A discloseable transaction (收購植林業務). Consideration is HKD300m AR?
21/07/2008: 匿名信事件?
30/07/2008: Suspension of trade, owing to fail to announce annual result.
08/08/2008: (i) Audit issue: AR + interco temp balance? (ii) 2 NED resigned, 1 another INED resigned owing to [...]
嘿！都市人！成日口口聲聲話快樂不難求，物慾身外物，心無罜礙，這個那個…
又不是一樣，都係會為這個，為那個而忽然低落，神傷又傷身，今次仲要鑽鑽牛角，進入反轉又反轉的沉思境地，真係做嘜諗野！
星期五，工作上係呢個moment，唔係要爆（煲），而係快要散了！不如早歸去…
車窗外景物飛過，忽然又心境開朗，對放眼所見一草一木，一山一廈，一樓一車，無不投以欣賞之意，目不暇及．心中馬上感恩，自己能有這能力，以及最重要既心境，去感受這一刻，美矣！
如果此時一機單反在手，配上 L 紅圈鏡，樂矣！
若有幸左手加一枝樽裝冰凍喜士伯（罐裝不可！），可醉矣！
人生不過如此乎？
自小已作了句座佑＊酩＊比自己：今日快樂，你聽日就會仆街！
今日可以對埋下聯：今日仆街，你聽日就會知道快樂！（or… 你聽日就會更仆街！）
練乙錚文集(I)? 更係ＡＫ兄既好介紹！
你們? 馬博士播！學下野先！
The Last Lecture? 感動心靈，小９一向最喜歡這類書！
迷失追揸沽? 仲洗講？一定捧場！
金錢之王(II)? 本來冇打算睇呢本書，但老細日日拿呢本書黎講，又屎又屁，唔睇下佢會點出招點得呢。
殯儀？ ……
以前有親友長輩去逝，小９只曾出席喪禮，並未有幫忙打點的經驗，也曾忽發，萬一，不！怎會是萬一，生老病死，人之常情，總有是要面對的一天。對於一切殯儀喪葬之事情，當時一無所知，是否應當開始增加瞭解？
也只是曾經有此念，並不曾有所行動。
大家又怎會不明白，生死有命難測之理。
到了要面對處理之時，才去開始面對，很多人，或者說是我們的文化，就是這樣吧！
小９也一樣，並在三個月前，親身體會。想指出的是，若本身自己早已對處理殯儀喪葬之事情有相當的認知，當時便可以有更多的時間與心力，去處理好自己的情緒，及照顧家人。試想，如果昨日有親友突然去逝，今日我會有多少心情，去到處詳細瞭解詢問格價？
正因此，行內出現了一條龍服務的殯儀館／長生店，因為到了我有需要時，根本不想煩這個那個。然而事後，卻因當初不瞭解，可能會出現＂做錯，做漏＂，或＂洗多，洗錯＂既情況。
今時今日，後生仔女百無禁忌，都唔好講到話一早為自己安排咁前衛，預早睇一下，瞭解一下姐！
而且，這本書除了講述殯儀喪葬之事情外，更從行內業者之訪問中，對人生，也有一種啓發。
（殯儀２剛上市，隨手一看，感覺上只是添食之作，應該知的，第一冊已足夠。）
玩轉身前事
Posted in On Dog 推介, 一念天堂, tagged The Bucket List on 八月 2, 2008 | 8 意見»
“The Bucket List”，港譯＂玩轉身前事＂。
只是看電影的文字描述，已教小９急不及待租黎睇。
同是未期癌症病人，一個是脾氣暴躁的億萬富翁，一個是平凡而博學的技工，偶遇在一２人病房中成為房友（都幾牽強！）。當大家都已知其大限快到，２人一起寫下一個List，然後一於將個List上面既未了心願實現。
高空跳傘？ 賽車？ 欣賞金字塔？ 觀賞壯觀既景色？
還有…
要笑到流馬尿？ 幫助一個陌生人？
Official Site
******
睇完後小９ 是有點失望的，可能是期望過高吧！為什麼大家都覺得BATMAN-The Dark Knight 好睇？相信可能是大家冇期望，BATMAN可以係咁拍的！不過小９還是比較喜歡早期的BATMAN, BATMAN RETURNS，個人覺得，Bruce 係唔應該咁英俊靚仔的，少了這角色本身應有的陰與沉。
＂The Bucket List＂中，反而是一個小角色，他與其老板的關係，最令小９有感受。
